Gasteizko Eraldaketa Komunitariorako Bulegoa
Bidelaguntza eta aholkularitza komunitate energetikoak sortzeko.
Energia-komunitateentzako Gasteizko Udalaren dirulaguntza deialdia
1º Informazio-gida: Gida honen bitartez Energia-komunitateen eraketa eta kudeaketa eta horiei lotutako eguzki-energia fotovoltaikoko instalazioetan (autokontsumo kolektiboko erregimenean) inbertsioa bultzatzeko Gasteizko udalaren dirulaguntza-deialdia eta oinarri arautzaileak 2024. urterako dirulaguntza-deialdiaren informazio garrantzitsuena ezagutarazi nahi da.
2º Azalpen-guida: Gida honen bitartez Energia-komunitateen eraketa eta kudeaketa eta horiei lotutako eguzki-energia fotovoltaikoko instalazioetan (autokontsumo kolektiboko erregimenean) inbertsioa bultzatzeko Gasteizko udalaren dirulaguntza-deialdia eta oinarri arautzaileak 2024. urterako dirulaguntza-deialdiaren eskaera egiteko eta hau justifikatzeko jarraitu beharreko pausoak azaltzen dira.
Gida hauek Gasteizko udalaren dirulaguntza deialdi ofizialeko hainbat atalen laburpena dira, eta bertan azaltzen dira erakunde onuradunei buruzko oinarriak, eta deialdian diruz lagun daitezkeen gastuak eta zenbatekoak. Dirulaguntzen deialdia eta oinarri arautzaileak jasotzen dituen dokumentu ofiziala abenduaren 2an ALHAOn argitaratu zen.
Zer da Gasteizko EKB?
Komunitate energetikoak sortzeko interesa duten herritarrei, elkarteei, ETE-ei zein langile autonomoei, menpeko toki-erakundeei, eta tokiko erakunde zein entitateei aholkularitza eta laguntza emateko bulegoa da.
Gure zerbitzuak
Gasteizko Eraldaketa Komunitariorako Bulegoak (EKB) hiru zerbitzu mota eskainiko ditu batez ere:
Hedapena
Komunitate energetikoei buruzko prestakuntza eta sentsibilizazioa proiektu arrakastatsuen berri emanez eta ikastaro eta lantegiak antolatuz.
Laguntza
Aholkularitza teknikoa eta prozesu parte-hartzaileak proiektuek izan dezaketen potentziala ebaluatzeko eta herritarren parte-hartzea sustatzeko.
Aholkularitza
Aholkularitza juridiko-administratiboa leiho bakar baten bidez, beharrezko diren tramite guztiak egiteko
Zer dira komunitate energetikoak?
Erakunde juridikoak dira, parte-hartze irekian, boluntarioa, eta autonomoan oinarrituta daudenak. Kideek modu eraginkorrean kontrolatzen dituzte, erakunde juridiko horren jabetzakoak diren eta hark garatu dituen proiektu energetikoetatik hurbil egonda. Kideak pertsona fisikoak, ETEak edo tokiko agintariak izan daitezke, edo pertsona juridikoak edo pertsona fisikoen elkarteak. Haien helburu nagusia kideei edo jarduten duten tokiko guneei ingurumen-, ekonomia- edo gizarte-onurak ematea izango da, finantza-irabaziak beharrean.
Aretoak erreserbatzea
Zure esku jartzen dugu udalerriko gizarte-etxeetan aretoak erreserbatzeko aukera, bizilagunen, enpresa txiki eta ertainen, saltokien eta autonomoen arteko bilerak antolatzeko, Komunitate Energetiko bat abiatu nahi badute.
Horretarako, mezu bat bidali info@vitoriagasteiz-otc.org posta elektronikora.
