Ba al zenekien zure eraikinak eguzki-energia propioa sortu dezakeela? Orain, Gasteizko Bisore fotovoltaikoari esker, erraz eta azkar jakin dezakezu zure teilatuaren eguzki-potentziala.
Gasteizko Eraldaketa Komunitariorako Bulegoak (EKB) hiriko bisore fotovoltaikoa aurkeztuko du. Tresna berritzaile honi esker, herritarrek haien eraikinak zer energia potentziala duen jakin ahal izango dute. Aurkezpen ofiziala apirilaren 3an, ostegunean, izango da, 18:00etan, Aldabe gizarte etxeko areto nagusian.
Bisore hau Gasteizko hirian komunitate energetikoak eta energia berriztagarriak bulzatzeko, eta hiri-inguruneko energia-eraginkortasuna optimizatzeko garatu da. Teknologia honi esker edonork identifikatu ahal izango ditu bere estalkian aprobetxa daitezkeen eremuak, eta panel fotovoltaikoak instalatzeko bideragarritasuna zehaztu.
Bisore fotovoltaikoari esker, klik bakar batekin erabiltzaileek hurrengo informazioa ezagutu ahal izango dute:
- Hiriko estalkietan jar daitekeen eguzki-panelen kopuru maximoa eta optimoa.
- Instalazioa egiteko behar den inbertsioa.
- Urteko aurrezpen ekonomikoa eta proiektuaren errentagarritasuna.
- Ingurumen-inpaktua, CO₂ emisioen murrizketaren datuekin.
Tresna hau hiriko energia-plangintza jasangarrian aurrerapausu handia da, datu eskuragarriak eskainiz, eredu garbiago eta eraginkorrago baterako trantsizioa sustatzeko.
Apirilaren 3ko aurkezpen jardunaldian parte hartzeko, aldez aurretik izena eman behar da esteka honetan: